prensa

Xunta de Galicia

O novo plan 2012-2016 dota a Galicia dun sistema estatístico acorde aos códigos internacionais de boas prácticas: calidade, confidencialidade, imparcialidade e obxectividade

16/12/2011

O novo Plan Galego de Estatística (PGE) 2012-2016 “coloca a Galicia entre o reducido número de Comunidades Autónomas dotadas dun sistema estatístico acorde cos códigos internacionais de boas prácticas como son a independencia profesional, o mandato xurídico para a recollida de datos, o compromiso de calidade, a confidencialidade, imparcialidade e a obxectividade”.

Así o expuxo hoxe a conselleira de Facenda, Marta Fernández Currás, que presidiu a celebración do Pleno do Consello Galego de Estatística, no que entre outros temas, salienta a presentación do proxecto de decreto do Programa anual 2012, primeiro que desenvolve a Lei do PGE 2012-2016.